Jaguaren / O JAGUARI

Det här är en film på romani arli. Filmen är en versionering av Jaguaren som ingår i projektet Minibio för alla!

Akana tano akšami. Ki zeljeno tepika, ko čheresoro saloni pašlo tano o Elmer hem dikhela ki jekh knjiga. Ki kujna o tata čerela habe. O Elmer dikhela ki knjiga kaj so isi but životinje. O habe ked ulo gotovo alo o vakti o Elmer te hal. Palo odova o tata ka thovel oljesere danda. Tegani dikhela o Elmer so dobini bala – ov ovela jekh jaguari, isto sar ki knjiga. O tata darala, ama o Elmer čumudinða olje jekhvar angljeder te ðal nakri mama hem palo odova te ripini kotar penðera.

Avri svetlinena o čerenja hem o Elmer tano but bahtalo. Ov čheljela pese e čumursencar, ama resala isto hem e komšijasere ðučhelje, e ”Princo”. Ama, akava drom o Princo darala kotar Elmer, sebepi ov tano jekh jaguari. Palo odova o Elmer resela jekhe šuže mačka hem mangela te čheljel olaja. Ama, i mačka darala hem prastandilji oljestar. Ando jekhvar šunðona o gume kotar vorda sar škripinena hem o jaguari, o Elmer arakhi e mačka gazimi hem baro rat uzalo olate. O Elmer perela mazumi hem na mangela te ovel jaguari akana; ov nane opasno, mangela samo te čheljel ðikasar. Ov pučela kokri pes ako i mačka mulji akana. Tegani i mačka uštela, oj vičini pe Ellinor.

I amaljin, i Ellinor ukljela upro Elmeresoro dumo hem doljena o drumo anglo peste. Akana o Elmer ðala čhere. Ov tano anglo čher hem dikhela pe daja ki penðera. Ov perela mazumi, sebepi o jaguarija našti te soven ano čher. Ov pašljilo anglo udara hem sovela. Ama, ov na dičhola akana sar jekh jaguari. Akana i mama arakhlja olje, doljinða olje ki janglja hem čhivð a olje andre ano čher. I mama hem o tata tane but bahtale, ama o Elmer na dikhela odova sebepi ov sovela... hem ko suno dikhela e mačka, e Ellinor.

Finns utgiven på samlings-dvd med versioneringar på arabiska, meänkieli, nordsamiska och romani arli.