Jaguaren / JAGUAARI

Det här är en film på meänkieli. Filmen är en versionering av Jaguaren som ingår i projektet Minibio för alla!

Oon ilta. Suurela vihreällä matola olohuohneessa pikku Elmer makkaa ja kattoo kirjaa. Köökissä pappa laittaa velliä. Elmer sellailee kirjaa, joka oon täynä elukoita. Ko velli oon valmis Elmer saapi sen nappipullossa. Sitte pappa porstaa sen hamphaat. Siinä Elmer havattee, ette hään oon saanu karvataljan – hänestä tullee jaguaari, aivan semmonen ko kirjassa. Pappa pölästyy mutta Elmer antaa sille märän suuelman ennen ko hiipii siutti mamman ja hyppää ulos klasista.

Ulkona tähet loistava ja Elmer tuntee ittensä iloseksi ja onneliseksi. Se leekaa jonku rotan kans, mutta silloin siihen tullee krannin inhottava koira, ”Prins”. Mutta tällä kertaa Prins oon se, joka pölkää Elmeriä, se ko oon jaguaari. Sitte Elmer kohtaa fiinin kissan, jonka kans hään halvaa leekata. Mutta kissa pölästyy ja lähtee laukhoon siittä. Yhtäkkiä kuuluu piilinrenkhaan ulinaa ja Elmer-jaguaari löytää kissan, pääle ajettunna, vertä karvoissa. Elmer tullee suruliseksi eikä halva ennää olla jaguaari; häänhään ei ole vaaralinen, hään halusi vain leekata. Se hun-tee- raa jos kissa oon kuolu. Mutta silloin kissa herrää, sen nimi oon Ellinor.

Kissakaveri Ellinor saapi rattastaa kotia Elmer-jaguaarin sölässä. Sitte Elmer mennee kotia. Se seisoo talonsa ulkopuolela ja näkkee mammansa klasissa. Silloin se tullee vähäsen suruliseksi, eihään jaguaari nuku kotona. Se pannee maata portin ulkopuolele ja nukkuu. Se ei ennää ole minkhään jaguaarin näkönen. Kohta mamma sen löytää, nostaa onnelisena pojan ja viepi sen sisäle. Kunka ilosia mamma ja pappa oon, sitä Elmer ei havatte ko se nukkuu ... ja näkkee unta kissasta, jonka nimi oon Ellinor.

Finns utgiven på samlings-dvd med versioneringar på arabiska, meänkieli, nordsamiska och romani arli.